.jpg)
.jpg)
QəbələPress.info-nun məlumatına görə, Qəbələ Rayon İcra Hakimiyyəti başçısının vətəndaşlarla növbəti səyyar görüş-qəbulu Mıxlıqovaq kəndində keçirilib. Tədbirdə rayonun hüquq mühafizə orqanlarının, aidiyyəti idarə, müəssisə və təşkilatların rəhbərləri, kənd ictimaiyyətinin nümayəndələri və ağsaqqallar iştirak edib. Başçı Səbuhi Abdullayev səmimi görüş üçün kənd sakinlərinə minnətdarlığını bildirib, bu gün respublikamızda və rayonumuzda həyata keçirilən layihələrdən, sosial-iqtisadi inkişafdan danışıb. O, kəndin mərkəzi yolunun asfaltlaşdırıldığını, əraziyə təbii qaz xəttinin çəkildiyini, yaşayış məntəqəsində EATS quraşdığıldığını, yeni artezian quyularının qazıldığını və əhalinin içməli su problemininin həll edildiyini, həmçinin kənd sakinlərinin fasiləsiz olaraq elektrik enerjisi ilə təchiz olunduğunu görüşə toplananların diqqətinə çatdırıb.
RİH başçısı qeyd edib ki, respublikada həyata keçirilən uğurlu siyasətin nəticəsidir ki, bu gün hər bir bölgəmizdə, o cümlədən rayonumuzda durmadan tikinti-abadlıq işləri genişlənir, yeni yollar çəkilir, təhsil, səhiyyə müəssisələri inşa edilir, uşaq bağçaları tikilir, digər sosial layihələr icra olunur.
Sonra kənd sakinlərinin müraciətləri dinlənilib. Görüş-qəbulda qaldırılan məsələlərin bir qismi yerində həll edilib. Həyata keçirilməsi vaxt tələb edən digər təkliflərin icrası üçün isə Səbuhi Abdullayev əlaqədar təşkilatların rəhbərlərinə müvafiq tapşırıqlar verib. Tədbirdə kənd sakinləri onlara göstərilən diqqət və qayğıya görə ölkə başçısı cənab İlham Əliyevə öz minnətdarlıqlarını bildiriblər.
.jpg)
